Զատկական ասացվածքներ
Կարմիր ձու տուր, կարմիր օր տամ:
Գժի համար ամեն օր զատիկ է:
Զատիկն ասելա՝ հենց գամ արմանաս, հենց գնաս զարմանաս:
Կարմիր ձուն զատկին կսազե:
Զատկական հանելուկներ
Կլորիկ, սիրունիկ
Մեջը դեղին
Փոքրիկ գնդիկ։
(ձու)
Այն ի՞նչն է ի՞նչը
Ինքը կլորիկ
Հագին ունի
Սև ու կարմիր
Պուտիկներով շորիկ։
(զատիկ)
Այն ի՞նչն է, ի՞նչը
Կարմիր գույնի
Քաղցրահամ,
Խմում ենք մեր տոներին հայկական:
(գինի)
Ինքը սպիտակ հատիկ-հատիկ,
Մեջը լիքը քաղցր հատիկ:
(բրնձով և չամիչով փլավ)
Ինչպես են տոնում զատիկը Շվեդիայում
Շվեդիայում մարդիկ տները զարդարում են դեղին, կանաչ և սպիտակ զատկական ծաղկանոցներով, ամենուր դնում դեղին ճուտիկներ՝ գունավոր փետուրե շրջանակների մեջ: Շվեդները զատկին ուտում են նույն կերակուրները, ինչ Ս. Ծննդյան տոնին, սակայն ավելի մեծ ուշադրություն են դարձնում կոնֆետներին և այլ քաղցրավենիքի: