Երկրագունդը բոլոր կողմերից շրջապատված է օդի հաստ շերտով: Օդը կարծես Երկրի հագուստը լինի:
Մեր շրջապատում ամենուրեք օդ կա, բայց մենք այն չենք տեսնում, քանի որ օդն անգույն է և ապակու նման թափանցիկ: Կապույտ երկինքը, որ ողողված է արևի ճառագայթներով, նույնպես օդի հաստ շերտ է: Օդ կա նաև ջրի մեջ:
Օդը մարդկանց, կենդանիներին, բույսերին անհրաժեշտ է շնչառության համար: Առանց օդի մարդը կարող է ապրել ընդամենը մի քանի րոպե: Հետևաբար օդով է պայմանավորված կյանքի գոյությունը Երկրի վրա:
Կատարած բազմաթիվ փորձերի շնորհիվ գիտնականներն ապացուցել են, որ օդը տարբեր գազերի խառնուրդ է: Օդը գլխավորապես բաղկացած է թթվածնից և ազոտից, շատ քիչ քանակով ածխաթթու գազից: Բոլոր կենդանի օրգանիզմները շնչում են թթվածին, արտաշնչում ածխաթթու գազ:
Նշված գազերից բացի օդում միշտ լինում են ջրային գոլորշիներ, սառցե բյուրեղներ, ծխի, մրի և փոշու մասնիկներ: Օդում եղած ջրային գոլորշիներից են առաջանում ամպերը և մառախուղը: Ամպերից էլ թափվում են մթնոլորտային տեղումները՝ անձրևը, ձյունը և կարկուտը:
Բոլորիս քաջ ծանոթ քամին օդի հորիզոնական տեղաշարժման արդյունք է:
Օդը ջերմության վատ հաղորդիչ է: Դրա համար էլ բնակարանների և դասասենյակների պատուհանները սովորաբար երկփեղկ են լինում: Ձմռանը, երբ դրսում ցուրտ է, փեղկերի միջև եղած օդը չի թողնում, որ ցուրտն անցնի բնակարան կամ դասասենյակ: Նույն ձևով էլ օդը չի թողնում, որ ներսի տաքությունը դուրս գա:
Հարցեր և առաջադրանքներ
1.Ի՞նչ նշանակություն ունի օդը կենդանի օրգանիզմների համար:
օդը շնչառության համար է և, եթե կենդանիները չշնչեն՝ առողջ բույս չի պարգևի:
2. Ի՞նչ գազերից է կազմված օդը:
Օդը կազմված է թթվածնից և ազոտից:
3. Օդի ի՞նչ հատկությունների ես ծանոթ:
Օդը կազմված է թթվածնից որն էլ մաքրող հատկություն ունի:
4. Ինչպե՞ս կարող ես ապացուցել, որ քո շրջապատում օդ կա:
Այն գազը որը դու շնչում ես դրսում, տանը դա կոչվում է օդ և, եթե օդ չլիներ մենք չէինք լինի քանի որ օդն է մեզ պահում: Այս արարքով ես ուզում եմ ձեզ ապացուցել, որ իմ և ձեր շրջակայքում օդ կա: Երբ դուք խորը շնչում եք ձեր օրգանիզմ մաքուր օդ է գնում և հենց դուք արտաշնչում եք օրգանիզմից դուրս է գալիս ածխաթթու գազը: